Դիզայների կողմից ստեղծված ինտերիերը, անշուշտ, ենթադրում է լիամասշտաբ վերահատակագծում, եզրափակիչ աշխատանքներ և հատուկ ընտրված կահույք։ Բայց ինտերիերին ավարտված անհատականություն հաղորդող տարրը, իրավացիորեն, համարվում են մանրամասներն ու աքսեսուարները։
Եթե դիզայները դուք ինքներդ եք, ապա մանրամասներին վերաբերվեք ամբողջական լրջությամբ։ Ո՞րն է ընդհանուր սկզբունքը։ Ստեղծված ինտերիերը պետք է ընկալվի որպես նկար, որում յուրաքանչյուր հպում, յուրաքանչյուր վրձնահարված իր անձնավոր ավանդն է մի ամբողջական կտավի ստեղծման գործում։
Ինչպես ցանկացած գործընթացում, որն առնչվում է զարդարման, այստեղ հատկապես կարևոր է ճաշակը, իսկ ճաշակը ենթադրում է չափավորություն և տեղին լինել։ Ի՞նչ է դա նշանակում։ Ինտերիերի զարդարման հնարավորությունների բազմազանությունը մի շարք սիրահարների, և նույնիսկ պրոֆեսիոնալ դիզայներների, դրդում է փորձել օգտագործել ամեն ինչ՝ միանգամից և ավելի շատ։ Եվ արդյունքում ստացվում է ոչ թե պարզապես անճաշակություն, այլ մի փոքրիկ խանութի նմանություն, որտեղ իրերն ընկել են պատահաբար և կուտակվել անկարգությամբ։ Բացի այդ, մի տրվեք էկլեկտիկայի գերուշադրությամբ՝ հայ-տեք կամ մոդեռն ոճով կահավորված բնակարանում բարոկկոյի արձանները, մեյսոնյան ճենապակին և ինկրուստացիայով սեղանիկը այդքան էլ տեղին չեն։ Իսկ ահի էթնիկ մոտիվները, պաննոները և բնական նյութերից վարագույրները կհամապատասխանեն լիովին։
Ի՞նչ կարող է հետաքրքիր լինել ինտերիերը տարբեր աքսեսուարներով զարդարելիս։ Առաջինը՝ ամենապարզը՝ պատերի զարդարումը, նկարները։ Յուղանկարչական և տեմպերայի կտավներ, ջրաներկային մինիատյուրներ, փորագրանկարներ։ Կարելի է օգտագործել մետաղական իրեր, չեկանք, կամ փայտե աշխատանքներ չորացած բույսերի տարրերով։ Ամենակարևորը՝ դրանք ներհյուսել ինտերիերի ընդհանուր կտավի մեջ, կենդանացնել այն, բայց չդիսոնանսել նրա հետ։ Նոր և հետաքրքիր՝ գնել հատուկ ստիկերներ՝ պատերին կպցվող, զարդանախշերի, վեկտորային նկարների կամ ֆիգուրների տեսքով։ Դրանք պետք է կպցնել հարթ ներկված մակերեսի կամ պարզապես միագույն օբոյների վրա՝ լավ է՝ բաց երանգների։ Դեռ հնարավոր է պատերը զարդարել նկարներով, որոնք կատարվել են ինքը նկարիչ-դիզայների կողմից հենց ձեր ինտերիերի համար։ Դրանք, որպես կանոն, պարզ են, աբստրակտ, բայց գույնը և մանրամասների դասավորությունը դրանցում ընտրված են անթերի։
Վերջերս հայտնվեց ևս մեկ հնարավորություն՝ բազմազանելու ինտերիերը՝ ֆունկցիոնալ առարկաները։ Այսպես, ջեռուցման ռադիատորը կարող է լինել փայլուն գունային վահանակ՝ նախշով կամ առանց դրա, կամ էլ մարմարե բուխարի՝ զարդարված ձուլվածքով։ Հայելիները նույնպես կարելի է օգտագործել ոչ այնքան սեփական պատկերը արտացոլելու համար, որքան որպես անսովոր մանրամաս՝ կառուցված որպես տեսողական գլուխկոտրուկ։
Ծաղկամանները՝ հատակի և սեղանի, ապակյա, կերամիկական, մետաղական, պլաստիկե՝ պետք է համարել ինտերիերի ամենահարմար մանրամասը։ Ինչպես կանոն, այստեղ դժվար է սխալ գործել, քանի որ դրանք շարժական են և կարող են ստեղծել անկրկնելի գունային համակարգ։ Ընտրեք մի քանի բոլորովին տարբերները՝ և լցրեք դրանցով սենյակի դատարկ անկյունը։ Կամ տեղադրեք մեկ ծաղկաման՝ բարձր չորացած բույսերով, հարթ պատի մոտ, և սահմանափակեք այդ բաց տարածությունը։
Ծաղիկները, իհարկե, կարող են կենդանացնել ցանկացած ինտերիեր։ Տեսողականորեն նեղացնելու համար կարելի է պատերը պատել երիզով, իսկ ավելի բարձր դարձնելու համար՝ պատերին տեղադրել ամպելային բույսեր կաշպեներում։ Մոնստերայի մեծ մուգ տերևները շահավետ են նայվում բաց ինտերիերում, կակտուսների և սուկուլենտների կոմպոզիցիան լավն է հայ-տեք ինտերիերում՝ հատկապես ապակյա հենարանների վրա։
Շատ հետաքրքիր և կենդանի է նայվում սենյակի այդպիսի զարդարանքը, ինչպիսին է վահանակը՝ նախշով կամ առանց դրա։ Տեսողականորեն բաժանելով տարածությունը, այն հանդիսանում է նաև լրացուցիչ գեղարվեստական մանրամաս՝ բացի այդ, տեղափոխելի։
Ի վերջո, ցանկացած գործվածքե մանրամասներ՝ վարագույրներ, գորգեր, անձեռոցիկներ՝ հարմարավետության անփոփոխ զգացում են։ Կարծում են, որ հենց սա է այն հպումը, որ կոչվում է «կանացի ձեռք»։ Եվ այդ պատճառով, նույնիսկ եթե բնակարանը պատկանում է միայնակ տղամարդուն, իմաստ ունի ինտերիեր մտցնել ջերմության մի կաթիլ։
Ինչ էլ որ ձեռք բերեք ձեր բնակարանի համար՝ արձանիկ, զարդատուփ կամ այլ մանր-զրույցի իրեր՝ միշտ փորձեք հիշել, որ դա պետք է լինի ոչ թե պարզապես գեղեցիկ փոքրիկ իր, այլ միասնական ամբողջի մասը՝ ձեր ինտերիերի մանրամասը։
