Ուշ թե վաղ յուրաքանչյուր ծնողի առջև է հանում մանկական սենյակի բարեկարգման հարցը։ Ուզում ես քո փոքրիկի համար ընտրել ամենալավը։ Իսկ ի՞նչ է երեխայի համար ամենալավը։ Իհարկե, այն, ինչ նրա համար հարմար է։
Մանկական սենյակի կահույքը պետք է «կենդանի» լինի՝ այնպիսին, որի հետ կարելի է խաղալ, որի վրա կարելի է բարձրանալ, որի հետ կարելի է խոսել։ Այլ կերպ ասած՝ կահույքը պետք է բավարարի փոքրիկի շարժական ակտիվության, գիտելիքի ծարավի, ստեղծագործելու ձգտման կարիքները։
Փորձենք հասկանալ, թե ի՞նչ է հենց պետք ձեր երեխային։
Առնենք մանկական կահույքի ստանդարտ հավաքածուն՝ հագուստի պահարան, մահճակալ, զբաղմունքի սեղան։
Սկսենք պահարանից։ Նրա կողերին կարելի է ամրացնել հատուկ «բռնիչներ», որոնցով երեխան կարող է բարձրանալ վերև։ Պահարանի վերևում կարելի է տեղադրել վահանակ, և ապա պահարանի տանիքը կդառնա խաղի վայր։ Ձեր փոքրիկը հեշտությամբ կկարողանա այնտեղ սարքել հարմարավետ բույն և անցկացնել այնտեղ այնքան ժամանակ, որքան կուզենա՝ առանց գետին ընկնելու ռիսկի։ Մյուս կողին կարելի է ամրացնել պարանի սանդուղք կամ պարան։ Պահարանի դռների մեջ կարելի է ներդնել ապակի։ Այդ դեպքում ձեր փոքրիկը կկարողանա պահարանի ներսում սարքել պատուհանով տնակ։ Իսկ եթե ուզենա, ապա կկարողանա այդ ապակին ներկել այնպես, ինչպես իրեն դուր է գալիս։ Այսպիսով, պահարանը կվերածվի խաղի վայրի։
Մահճակալը։ Մահճակալի տակ նույնպես կարելի է տնակ սարքել, եթե դրա տակի տարածությունը փակել դռներով կամ վարագույրով։ Մահճակալի վերևի օբոյները նույնպես կարելի է կպցնել տնակի ձևով (տարբեր նախշեր, գույներ)՝ պատուհաններով, դռնով։ Կամ կարելի է կպցնել կենդանիների ֆիգուրներով օբոյներ։ Եթե մահճակալի գլխաքարի արտաքին կողմին տեղադրել ղեկ, ապա կստացվի նավ (այս դեպքում օբոյների վրա պետք է պատկերված լինի ծովը՝ դելֆիններով)։ Այսպիսով, մահճակալը կզարգացնի երեք տարեկան փոքրիկի երևակայությունը։
Եթե մահճակալը բարձր է, ապա կարելի է դրա մոտ սանդուղք սարքել՝ ձեռնապաներով։ Այս սանդուղքը կարելի է օգտագործել նաև որպես մեքենաների ավտոտնակ կամ տիկնիկների տնակ։
Ձեռնապանների վրա նույնպես կարելի է տեղադրել հեքիաթային հերոսներ։ Այնտեղ կարելի է նաև կտրվածքներ անել և դրանց մեջ ներդնել շինարարական խաղալիքների հավաքածուի ֆիգուրները։
Երբ երեխան մեծանա, կարելի է միացնել տանիք-պահարանը և երկհարկանի մահճակալի երկրորդ հարկը՝ դրանց միջև տեղադրելով ձեռնապաններով կամուրջ։
Սեղանը։ Ինչպես մահճակալի տակ, այնպես էլ սեղանի տակ կարելի է տնակ սարքել։ Սեղանի ոտքերի վրա կարելի է կախել քարտեր՝ տառերով, թվերով, գույներով, կամ, եթե երեխան ավելի փոքր է՝ նրան շրջապատող տարբեր առարկաներով։ Այստեղ ձեզ կուղղորդի ձեր երևակայությունը։
Մանկական սենյակի կազմակերպման ևս շատ եղանակներ կան՝ մտածեք երեխայի հետ միասին, թե ինչ է նա ուզում տեսնել իր սենյակում։ Բայց հիշեք՝ կահույքը չպետք է շատ լինի, և այն չպետք է ծավալուն լինի։
