Առաջին հարկը — սովորաբար ընտանիքի ցերեկային գոտին է։ Այստեղ տեղադրվում է գործառական սենյակների առավելագույն քանակը։ Պետք է նախատեսել հյուրեր ընդունելու տեղ (հյուրասենյակ), ընդարձակ խոհանոց և նրան կից ճաշասենյակ, հյուրերի սենյակ (հյուրերի ննջասենյակ), հնարավոր է՝ ձմեռային այգի, ինչպես նաև հարմար սանհանգույց։
Հյուրասենյակի և ճաշասենյակի մուտքը լավագույնն է անել ուղիղ միջանցքից։ Իսկ խոհանոցը միջանցքից պետք է առանձնացնել, որպեսզի նրա միջով հոտերը չ թափանցեն ամբողջ տունը։
Եթե տեղ կա, ապա լավ է առանձնացնել այն սենյակները, որոնցում դուք պատրաստում եք և որոնցում ուտում։ Սկզբունքորեն , սահմանափակ տարածքի դեպքում ճաշասենյակը շատ լավ միավորվում է հյուրասենյակի հետ։ Այնտեղ այն ժամանակ կարելի է դնել և դաշնամուր, և հեռուստացույց։ Թեև, եթե այդպիսի հնարավորություն կա, ապա լավ է դրանք նույնպես տարածության մեջ իրարից հեռացնել։
Պետք է ձգտել նրան , որ հնարավորինս քիչ անցումային գոտիներ և միջանցքներ առաջանան։
Երկրորդ հարկը, առավել հաճախ — հանգստի և լռության գոտի է, որտեղ կազմակերպվում են մի քանի ննջասենյակ, ևս մեկ սանհանգույց, պատշգամբներ և ելքեր դեպի տեռաս։
Ննջասենյակները պետք է ավելի շատ լինեն, քան ընտանիքի անդամները։ Երեխաները հակված են մեծանալու և այլևս չեն ցանկանում սենյակը կիսել եղբոր կամ քրոջ հետ, ինչպես մանկության տարիներին։ Իսկ դուք կկարողանաք հյուրեր ընդունել շատ ավելի մեծ հաճույքով, եթե նրանց համար կլինի, որտեղ քնել։
Օժանդակ տարածքներ։ Կաբինետները և գրադարանը -այս սենյակները պահանջում են հանգիստ, որպեսզի կենտրոնանալու հնարավորություն լինի։ Ուստի դրանք առաջին հարկում կարելի է տեղադրել միայն այն դեպքում, եթե Դուք վստահ եք բացարձակ հանգստի մեջ։ Եթե ոչ, ապա կաբինետը կարելի է դարձնել հարակից սեփական ննջասենյակին, որպեսզի ցանկացած պահի կարելի լինի անցնել մի սենյակից մյուսը, իսկ գրադարանը տեղադրել երկրորդ հարկում կարծես մեջտեղում, ծնողների և երեխաների սենյակների միջև, կամ ընտանիքի սենյակների և հյուրերի ննջասենյակների միջև։ Գրադարանն այն ժամանակ կդառնա մի տեսակ բաժանարար սահման, որտեղ կհանդիպեն երկու աշխարհներ։
Եթե Դուք ցանկանում եք Ձեր գյուղական տանը մարզասրահ անել, ապա այն հենց հատակագծով լավ է որոշել առաջին հարկում։ Այնտեղ, որտեղ կարելի է աղմկել՝ առանց վախենալու որևէ մեկին խանգարել։
Եթե Ձեր տունը բավականաչափ մեծ է և հատակագիծը թույլ է տալիս երկրորդ հարկում ինչ-որ պատշգամբ կամ տեռաս անել, ապա դա պարզապես հիանալի կլինի։ Այն ժամանակ առավոտյան կարելի է դուրս գալ օդ՝ առանց լքելու սենյակը։
Կարող է ներգրավվել նաև ցոկոլային հարկը — որպես տնտեսական գոտի (արհեստանոց, լվացքատուն) կամ զվարճանքի (բիլիարդի սենյակ, սաունա և այլն )։
Կաթսայատունը տեղադրվում է տնից առանձին կամ ցոկոլային հարկում, իսկ եթե այն չկա, ապա առաջինում, և ունի սեփական ելք դեպի հողամաս։
Ավտոտնակի տարածքը պետք է հնարավորինս հեռացնել բնակելի տարածքներից։ Ավտոտնակից պետք է լինի ելք դեպի հողամաս և մուտք կաթսայատուն կամ տան միջանցք։
